குடியரசுத் தலைவர் தேர்தல்

 ஜூலை 18-ம் தேதி குடியரசுத் தலைவர் தேர்தல் நடைபெறுகிறது எனத் தலைமைத் தேர்தல் ஆணையர் ராஜீவ் குமார் அறிவிப்பு.இந்தியாவின் 16வது ஜனாதிபதி தேர்தலுக்கான அட்டவணையை இந்திய தேர்தல் ஆணையம் இன்று அறிவித்துள்ளது.

 புதுடெல்லியில் இன்று தேர்தல் அட்டவணையை அறிவித்த தலைமை தேர்தல் ஆணையர் ராஜீவ் குமார், ஜூலை 18-ம் தேதி தேர்தல் நடைபெறும் என்று தெரிவித்தார். தேர்தலுக்கான அறிவிப்பு ஜூன் 15-ம் தேதி வெளியிடப்படும் என்றும், வேட்புமனு தாக்கல் செய்வதற்கான கடைசி தேதி இம்மாதம் 29-ம் தேதி என்றும் அறிவிக்கப்பட்டுள்ளது.

 வேட்பு மனுக்கள் மீதான பரிசீலனை இம்மாதம் 30ஆம் தேதி நடைபெறும். ஜூலை 21-ம் தேதி வாக்கு எண்ணிக்கை நடைபெறும்.

 ஜனாதிபதி ராம்நாத் கோவிந்தின் பதவிக்காலம் அடுத்த மாதம் 24ம் தேதியுடன் முடிவடைகிறது.

 

 அரசியல் சாசனத்தின்படி விகிதாசார பிரதிநிதித்துவ முறைப்படி ரகசிய வாக்கெடுப்பு மூலம் தேர்தல் நடத்தப்படும் என்று திரு. குமார் கூறினார். சுதந்திரமான மற்றும் நியாயமான வாக்கெடுப்பை உறுதி செய்ய தேவையான அனைத்து நடவடிக்கைகளையும் ஆணையம் எடுத்து வருகிறது என்றார்.

 மக்களவை, ராஜ்யசபா மற்றும் மாநில சட்டப் பேரவைகளின் தேர்ந்தெடுக்கப்பட்ட உறுப்பினர்களைக் கொண்ட தேர்தல் கல்லூரியால் ஜனாதிபதி தேர்ந்தெடுக்கப்படுகிறார். டெல்லி மற்றும் புதுச்சேரியின் சட்டமன்றங்களும் இதில் அடங்கும்.

 

 தற்போதைய தேர்தலுக்கான தேர்தல் அதிகாரியாக ராஜ்யசபா பொதுச்செயலாளர் இருப்பார் என தலைமை தேர்தல் கமிஷனர் தெரிவித்துள்ளார். நாடாளுமன்ற வளாகத்திலும், மாநில சட்டப் பேரவை வளாகத்திலும் வாக்குப்பதிவு நடைபெறும் என்றார்.

 

 776 நாடாளுமன்ற உறுப்பினர்கள் மற்றும் 4,033 சட்டமன்ற உறுப்பினர்கள் உட்பட மொத்த வாக்காளர்களின் எண்ணிக்கை 4,809 ஆக இருக்கும் என்று தலைமை தேர்தல் ஆணையர் தெரிவித்தார்.

 வாக்குகளின் மொத்த மதிப்பு 10 லட்சத்து 86 ஆயிரத்து 431 ஆக இருக்கும். வாக்குப்பதிவு மற்றும் எண்ணும் நாளில் அனைத்து கோவிட் முன்னெச்சரிக்கைகள் மற்றும் நெறிமுறைகள் பின்பற்றப்படும் என்று திரு. குமார் கூறினார்.

 தேர்தலை சுற்றுச்சூழலுக்கு உகந்ததாக மாற்றும் வகையில் பிளாஸ்டிக் பயன்பாட்டை தவிர்க்கும் வகையில் மக்கும் பொருட்களை பயன்படுத்த தேர்தல் ஆணையம் தேர்தல் அதிகாரிகளுக்கு உத்தரவிட்டுள்ளது.