#Group2Mains_2023 👫 தகைசால் பள்ளிகள் (Schools of Excellence) 👫

 

தொடக்கம் : 05/09/2022 

திட்டத்தை தொடங்கி வைத்தவர் : டெல்லி முதல்வர் மாண்புமிகு அரவிந்த் கெஜ்ரிவால் அவர்கள். 

தகைசால் பள்ளிகள் மாணவர்களின் எண்ணிக்கைக்கு ஏற்ப ஆசிரியர்கள், நவீன கணினிகள், அதிநவீன அறிவியல் ஆய்வகங்கள், ஒருங்கிணைந்த நூலகம், கல்வி் சாரா செயல்பாடுகளான விளையாட்டு, கலை, இலக்கியம் என்று அனைத்தும் சேர்ந்த ஒரு முழுமையான கல்வியை வழங்கும். இதனால் அனைத்து வகையான திறமைகளுடன் அரசு பள்ளி மாணவ, மாணவியர் கல்வி கற்கும் சூழல் உருவாகும். அதற்கு வகுப்பறையில் நேரடியாக பாடங்கள் சொல்லித் தருவது மட்டுமல்லாமல் இணையவழியிலும் காலத்திற்கு ஏற்ற வகையில் கற்றல் திறன்கள் மேம்படுத்தப்படும். 

தகைசால் பள்ளிகளாக தேர்வு செய்யப்பட்டுள்ள ஒவ்வொரு பள்ளிக்கும் ரூ.6 கோடியே 5 லட்சத்து 8 ஆயிரத்து 430 நிதி ஒதுக்கீடு செய்யப்பட்டுள்ளது.

தகைசால் பள்ளிகளில் அதிநவீன தொழில்நுட்பத்துடன்கூடிய கணினிகள் கொண்ட ஸ்மார்ட் வகுப்பறைகள், நவீன ஆய்வகங்கள் என அனைத்து வசதிகளும் ஏற்படுத்தித் தரப்படவுள்ளன. தகைசால் பள்ளிகளில் பாடம் நடத்தப் போகும் ஆசிரியர்களுக்கு சிறப்பு பயிற்சிஅளிக்கவும் திட்டமிடப்பட்டுள்ளது. இதன்மூலம் மாணவர்களிடம் ஒருங்கிணைந்த வளர்ச்சி ஏற்படும். தகைசால் பள்ளிகள் மூலம் அரசுப் பள்ளிகளில் 62,460 மாணவர்கள் பயன்பெறுவார்கள். 

அரசின் முன்னோடித் திட்டமான தகைசால் பள்ளிகள் மூலம் தனியார் பள்ளிகளுக்கு இணையான நவீன தொழில்நுட்ப வசதிகளுடன் கல்விகற்கும் சூழல் ஏழை மாணவர்களுக்கு கிடைக்கப் போவது வரப்பிரசாதம். 

Source : தி இந்து தமிழ் நாளிதழ் 

.