#Group2Mains_2023 💠 ஊட்டச்சத்தை உறுதி செய் / ஊட்டச்சத்து குறைபாடு இல்லாத தமிழகம் 💠

 

தொடக்கம் : 21/05/22 , தொட்டபெட்டா ஊராட்சி, ஊட்டி 

ஊட்டச்சத்து குறைபாடு இல்லாத தமிழகத்தை உருவாக்கும் நோக்கில், 6 வயதுக்குள்பட்ட குழந்தைகளுக்கு சிறப்பு மருத்துவப் பரிசோதனை செய்யும் ♌️ ஊட்டச்சத்தை உறுதி செய்  திட்டம் ♌️  தொடங்கப்பட்டுள்ளது. 

இந்தத் திட்டத்தின் கீழ் குழந்தைகளுக்கு மருத்துவப் பரிசோதனை நடத்தப்பட்டு, குறைபாடு இருக்கும் குழந்தைகளைக் கண்டறிந்து அவா்களுக்கு மருத்துவ உதவியும், சிறப்பு ஊட்டச்சத்து உணவும் வழங்கப்படும். 

ஒருங்கிணைந்த குழந்தை வளா்ச்சிப் பணிகள் திட்டம், சுகாதாரத் துறை ஆகியவை இணைந்து நடத்தும் திட்டத்தின் கீழ் குழந்தைகளுக்கு எடை, உயரம் உள்ளிட்ட அடிப்படை விவரங்கள் சேகரிக்கப்பட்டு பிரத்தியேக செயலியில் பதிவு செய்யப்படும். இதன் அடிப்படையில் குழந்தைகள் சீரான இடைவெளியில் கண்காணிக்கப்பட்டு தேவையான ஊட்டச்சத்து வழங்கப்படும். 

இதன் பின்னர், தமிழகத்தில் ஒன்று முதல் இரண்டு வயது குழந்தைகள், அதிக அளவில் ஊட்டச்சத்து குறைபாட்டால் பாதிக்கப்பட்டதை கண்டறிந்துள்ளதால் அங்கன்வாடி மையங்களில் இரண்டு வயது வரையான குழந்தைகளுக்கு, திங்கள், புதன், வியாழன் என, வாரம் மூன்று முட்டைகள் வழங்கப்படுகின்றன. 

கடுமையான ஊட்டச்சத்து பற்றாக்குறையால் பாதிக்கப்பட்டுள்ள, ஒரு லட்சத்து 22 ஆயிரத்து 339 குழந்தைகளுக்கு ஊட்டச்சத்து பிஸ்கட் வழங்கப்பட உள்ளது. 

கடுமையான ஊட்டச் சத்து பற்றாக்குறை உள்ள குழந்தைகள் அதிகம் உள்ள மாவட்டங்களில், திருச்சி முதலிடத்தில் உள்ளது. மிக குறைந்த அளவில் பாதிப்பு உள்ள மாவட்டங்களாக திருப்பத்துார், காஞ்சிபுரம் உள்ளன. 

Source : தினமணி 21/05/2022 , தினமலர் 22/11/2022